Dankzij juf Fennie
Geet gien Almens kind kopje onder
Met eur zwemlessen
Verricht ze steeds een wonder

’t Is best een betje spannend
Sommige kinder bunt een betje bang
Maar Fennie krig ze an ’t zwemm
Al ruum 28 jaor lang

Zie weet de kinder in Almen
En van daorbuut’n zover te krieng
Dat ze nao een tiedje
Allemaol vanzelf blieft driem

Oefenen veur diploma A
Op de boek en op de rugge
Een paar keer 25 meter hen
En een paar keer 25 meter trugge

Zwemm deur een gat
Watertrappeln een volle minuut
In ’t water met de klere an
En op eigen kracht ’t water uut

Dan kump daor de grote dag
Van dat felbegeerde diploma
Hele families staot an de kante
Olders, breurtjes en zusjes, opa en oma

As afsluuting allemaol op de foto
Met natuurlijk juf Fennie durbie
Want net as al die kinder
Is Fennie minstens net zo blie

Noe geet Fennie stoppn
En ‘t vertrouwde bad geet vot
Almen zal mottn wenn
Dat ut straks anders wodt

As zundag ut zwembad dichte geet
Begint de bouwvakkers al gauw
Maar eerst een groot dankjewel
Veur Fennie, de Almense badjuffrouw