’t Is vandage een betje feest
Gien mijlpaal, jubileum of trouwjapon
Maar wel de verjeurdag van iets
Wat in twee-duuzend-elf begon

’t Was op een donderdagaovond
Zo’n mooie naozommerdag, ongekend
Ut hele darp was op de been
Wacht’nd op ut grote moment

Opgetoog’n, uutgelaot’n
Op wat komm’n geet
Juliana begint te spöll’n
‘Bun zo blie dat Almen besteet’

De deur’n gaot lös
Ut orkest geet veur
Een lange rieje durachteran
Zo de nieje winkel deur

Brood van Dick ten Broeke
Greunte, gottepap en bier
Koek’n, koffie, katt’nvoer
Alles hebt ze hier

Weer en supermarkt in Almen
Dat was één van de grootste wens’n
Hoe mooi is ‘t dan dat de Centerrr dur is
Met al hun fijne mens’n

Harde warkers en allemaol uniek
Zes daag’n in de wekke staot ze klaor
En dat doot ze vandage op de kop af
Veur Almen al veertien jaor